विराटनगर। प्रिमियम तथा नवप्रवर्तनशील टायल उत्पादनमा अग्रणी ब्रान्ड कजारियाले विराटनगरको मुनाल पथमा नयाँ विशेष शोरूम सञ्चालनमा ल्याएको छ। न्यु ज्योति ट्रेडर्सद्वारा सञ्चालित यो शोरूमसँगै कजारियाले पूर्वी नेपालमा आफ्नो बजार उपस्थिति थप मजबुत बनाएको छ।
शुक्रबार सम्पन्न उद्घाटन समारोहमा कोशी प्रदेश सरकारका उद्योग, पर्यटन, वन तथा वातावरण मन्त्री भीम पराजुली प्रमुख अतिथिका रूपमा सहभागी थिए। कार्यक्रममा मिस नेपाल वर्ल्ड २०२५ लुना लुइटेल र मिस नेपाल अर्थ २०२५ सोनी घलेको विशेष उपस्थिति रहेको थियो। कजारिया रमेश टाइल्स लिमिटेडका निर्देशक हिमांशु अग्रवालले रिबन काटेर शोरूमको औपचारिक उद्घाटन गरेका हुन्।
कार्यक्रमलाई सम्बोधन गर्दै मन्त्री पराजुलीले कजारियाको लगानीले कोशी प्रदेशको औद्योगिक तथा निर्माण क्षेत्रमा सकारात्मक प्रभाव पार्ने उल्लेख गरे। प्रतिष्ठित अन्तर्राष्ट्रिय ब्रान्डहरूको प्रदेशस्तरीय विस्तारले नेपालको निर्माण उद्योगप्रति बढ्दो विश्वास झल्काउने उनको भनाइ थियो।
कजारिया रमेश टाइल्स लिमिटेडका निर्देशक अग्रवालले नेपालप्रति कम्पनीको दीर्घकालीन प्रतिबद्धता दोहोर्याउँदै विराटनगरमा शोरूम सञ्चालन हुनु पूर्वी नेपालका ग्राहकलाई विश्वस्तरीय टायल सहज रूपमा उपलब्ध गराउने महत्वपूर्ण कदम भएको बताए।
विराटनगरको केन्द्रमा अवस्थित नयाँ शोरूममा आवासीय, व्यावसायिक तथा वास्तुकलासम्बन्धी प्रयोजनका लागि उपयुक्त विभिन्न डिजाइनका प्रिमियम टायलहरूको विस्तृत संग्रह राखिएको छ। ग्राहकहरूले आधुनिक र ग्राहक–मैत्री वातावरणमा उत्पादन अवलोकन, तुलना र छनोट गर्न सक्नेछन्।
कजारियाले नेपालमै स्थापना गरेको देशकै ठूलो टायल उत्पादन उद्योगमार्फत ३,००० भन्दा बढी डिजाइन विकल्प उपलब्ध गराउँदै आएको छ। हाल कम्पनीका नेपालभर १०० भन्दा बढी शोरूम सञ्चालनमा रहेका छन्। विराटनगर शोरूमको उद्घाटनलाई कम्पनीको देशव्यापी विस्तार रणनीतिको महत्वपूर्ण उपलब्धिका रूपमा लिइएको छ।
