काठमाडौं । Salt Trading Corporation Limited ले गत आर्थिक वर्ष २०८१/८२ को सञ्चित मुनाफाबाट सेयरधनीलाई १० प्रतिशत बोनस सेयर वितरण गर्ने निर्णय गरेको छ।
माघ २८ गते बसेको कम्पनीको सञ्चालक समितिको बैठकले उक्त प्रस्ताव स्वीकृत गरेको हो। निर्णयअनुसार कम्पनीले सञ्चित नाफाबाट १० प्रतिशत बोनस सेयर दिनेछ भने बोनस सेयरमा लाग्ने कर प्रयोजनका लागि १६ लाख ३ हजार ५८४ रुपैयाँ नगद लाभांश वितरण गर्ने प्रस्ताव पनि पारित गरेको छ।
कम्पनीका अनुसार प्रस्तावित लाभांश आगामी वार्षिक साधारणसभाबाट अनुमोदन भएपछि मात्र सेयरधनीले प्राप्त गर्नेछन्।
यस निर्णयसँगै साल्ट ट्रेडिङले सेयरधनीलाई प्रतिफल दिने प्रक्रिया औपचारिक रूपमा अघि बढाएको छ। वार्षिक साधारणसभाको मिति र बुक क्लोज सम्बन्धी विवरण भने कम्पनीले पछि सार्वजनिक गर्ने जनाएको छ।
